2012/12/29

Musika Eskolako txistularien emanaldia

Arkupetan, Abenduak 30ean eguerdiko 12:30etan.

Hernaniko Kronikatik jasota:
Musika Eskolako ikasleak igandero ateratzen dira he­rriko kale­etan barrena jotzera. Gaur­­koan, urteko azken igan­de ho­netan, txistulari taldea­ren txanda izango da. 14 txistu­larik osatu­tako taldeak, Iñaki Egurenen zuzendaritza­pean, 10 pieza joko ditu; txistu errepertorio klasikoko doi­nuak batzuk, eta Gabon kan­tak beste batzuk. Ho­rietako batean, Xirularrua (gaitaren familiako tresna) entzuteko aukera ere izango da. Kontzertua eguerdiko 12:30e­­­tan hasiko da, udaletxe­ko arkupeetan.
Klasikoak eta Gabonetakoak Kontzertuaren lehenengo za­tia txistu errepertorio klasiko­ko piezek osatuko dute. Bigarren zatian berriz, Gabon doinuak entzuteko au­kera izango da. Horietako ba­tzuk bertakoak izango dira, ezagunak. Baina Italiako doi­nu sorta bat ere joko dute, xirularruak lagunduta.

EGITARAUA
-Arizkungo ttun-ttuna.
-Monzonen minuetoa.
-Vivace. -Bakarlariak: Idoia Ansorena eta Ander Arandia.
-Mand1azainak.
-Fandangoa eta arin-arina.
-Eguberri ezti.
-Gabon eguna.
-Belengo portalian.
-Tre Canzoni di Natale. -Xirolarrua: Aitor Aiestaran
-Hator, hator.

2012/12/26

Eguberri eguneko alborada

Hernaniko Musika Eskolako txistulariak aurrena sagardotegien inguruan eta bukaeran kaxkoan aritu dira Gabonetako doinuez kaleak betetzen.

2012/12/17

Gabonetako Kontzertua igandean

Txistularien kontzertua igandian eguerdiko ordu batean izango da.


EGITARAUA:
  1. Minueto
  2. Sei doinu Xuberotar
  3. Baltsa bariazioekin
  4. Txistulari
  5. Din,dan,don
  6. Alborada Navideña II
  7. Gau erdian
  8. Ai, hau gabaren
Eskusoinua jotzen ANE ERREGE BELDA izango dute.
Amaieran bertaratutakoak gonbidatuta daude turroia jatera eta beste xixka-mizka batzuk.

2012/11/22

Gaur Santa Zezilia eguna

Musikarien eguna da gaur Azaroak 22 "Santa Xexilia" , musikarien zaindariaren eguna baita.
Larunbatean hasi ziran txistulariak ospatzen Sandiusterrin Kantuz abesbatzarekin batera emaniko kontzertuarekin. Igandean berriz, Donostian ere ospatzeko aukera izan zuten. Izan ere, bertan hiru hernaniar  inguruko beste horrenbeste txistulariekin, eta Donostiako "Santa Zezilia"  abesbatzarekin batera, udaletxeko areto nagusian eskeinitako emanaldian aritu ziran eta.
Eta gaur nola ez,musika emanaldiak izango dira arratsaldean; bi hain zuzen ere. Musika Esko­lako ikasleen emanaldia izango da 18:30­etan Sandiusterrin. 17 abesti eskainiko dituzte musika instrumentu ezberdinek lagunduta. Kontzertua­ren atsedenaldian, 2011-2012 ikasturtean maila gainditu zuten ikasleei diplomak banatuko dizkiete.
Goiz Eguzkik, 12 abesti
Goiz Eguzki abesbatzak ere emanaldi ederra prestatu du jubilatu etxean bertan, 19:30e­tan. 12 abesti interpretatuko dituzte.

ZORIONAK BERAZ MUSIKARI GUZTIOI

2012/11/18

Santa Zeziliako kontzertua

Atzo arratsaldeko zazpietan Kantuz abesbatzak txistulariekin eta metal boskotearekin batera eskeini zuten beren kontzertua Sandiusterri zaharetxeko aretoan.
Aurreneko zatian txistulariak. (zuzendaria: Patxi Apezetxea)
  1. GAINZA (Biribilketa).......................................................M.Gainza (Mold. K.de Miguel)
  2. Comparsa de Caballeria de Gallos......................................R.Sarriegi (Mold. J.I. Ansorena)
  3. Religiosa........................................................................J.Guridi (Mold. L.M.Andrés)
  4. Don Martin (pasodoblea).................................................S.Bikandi
Bigarrenean Kantuz abesbatza (zuzendaria: Igor Arroyo)
  1. Nafarrorari..............................................Juan Olaziola
  2. Penas......................................................Beatriz Corona (testua:José Marti)
  3. Lo hadi ainguria.......................................Francisco Escudero
  4. Bourre....................................................Leopald Mozart
  5. Ikusten...................................................Mold. Alexander Lesbordes
  6. Iru txito..................................................Aita Donostia
Azkenean guztiak batera:
  1. Irria...............................................P.Carrere (Mold. T.Agirregomezkorta)
  2. Biribilketen potpourria.....................Herrikoia (Mold. X.Zabala)

2012/10/07

Buruntzaldeko txistulariak KM-2012 an


Aurtengo kilometroak Andoainen ospatu dira Larramendi ikastolaren alde. Hori dela eta, Buruntzaldeko txistulariak (Andoain,Urnieta,Hernani,Lasarte) elkarrekin kalejiran aritu dira.

Comenius proiektuko kideei ongi etorria


Ingalaterra, Danimar­ka, Belgika, Estonia eta Hun­ga­riako ikasle eta irakasleak atzo iritsi ziren Hernanira. Denera, 38.
Comenius proiektua dela eta etorri dira Her­nanira, Hernani Institu­tua tartean dela, ikasle-irakasleen ar­te­ko topaketa izaten ari baita.
Esan bezala larunbatean iritsi ziran eta institutoan harrera egin zitzaien Agurra, Akelarreko dantza zatitxoa...eskainiz. Asteazkenera arte egongo dira Hernanin eta ekintza ezberdinak egingo dituzte. Gaur, esaterako, Kilo­me­t­roak jaira joango dira An­doainera. Hernanin zehar bisita gidatua ere antolatu du Udalak. Datozen egunetan izango dituzte: surf saioa, yo­ga, Basque Culinary Cen­terrera eta Guggen­heime­ra bisitak, hitzaldiak... Astear­tean Udalak harrera egingo die.

2012/09/29

Juan Mariri eskerrak





Gaur eguerdian, Juan Mari Beltranen ikasle izandakoak (txalaparta, txistua, dultzaina, alboka) merezitako omenaldia eskaini diote. Nola ez ba, Juan Marik irakatsitako eta  ikasitako soinu tresnarekin kalez kale jotzen arituta. 27 urte eta gero, jubilatzea tokatu zaio baina ez "erretiratzea" oraindik soka luzea  baitauka Juan Marik.
Eguerdian denak Santa Barbara elkartean bildu  dira bazkaltzera. Festa, arratsaldean segiko du kaletik.

Zorionak Juan Mari eta eskerrikasko.


Juan Mari Beltranen kide, ikasle eta ikasle ohiak

2012/09/15

2012 Donostiako alardea ikusgai

Eguraldi txarragatik aste nagusian egiten den kontzertua irailean eman zen.
Telebistaz ikusgai daukazu: 35.DONOSTIAKO ALARDEA
Kontzertuaren egitaraua aurreko orrialde batean dago.

2012/09/14

Aste buruan EUSKAL JAIAK

Irailaren 15 eta 16ean hainbat ekitaldi iragarrita dago Euskal Jaietan.


Ondo pasa.

HERNANIKO KRONIKAtik jasota:

Euskal azienda, garai bateko jokoak, talo eta txakolina, erromeria, kantua... euskal ohitura eta tradizioetan murgiltzeko aukera izango da asteburuan Hernanin, Euskal Jaietan. Herritarrei deialdi berezia egin diete, baserritar trajeak janzteko.
Bertako baserri eta mendietako azienda
Euskal Jaietako aurreneko ekitaldia izango da abeltzain azo­ka; 10:00etatik aurrera, Ti­lose­tan. Gure arbasoengandik da­to­zen eta oraindik bizirik mantentzen diren abereak izango di­ra ikusgai: betizuak, pottokak, sasiardiak, euskal oiloak, astoak, idiak, txe­rriak, ahun­tzak.... Bertako ba­serri, mendi eta zelaietan hazten dira, Ere­ñotzun, Onndi eta Adarran, Osi­­ña­gan...; eta ho­­rrek balio be­rezia ematen. Xabier Iradi al­bai­taria da antolatzaileetako bat, eta joan den urteko arrakastaren ondoren, aurten ere her­naniarrak gonbidatu nahi di­tu ikustera; eta batez ere, etxe­ko txikienak, azienda hori­en ku­meak ere izango baitira ikusgai. Aintzinako jokoak Aintzinako jokoen probak ere jendetza erakartzea espero da gaurkoan. Lokotxak biltzen, marmitak eramaten, zaku karreran, kontrabandista lanetan, zirrindola laisterrean, sagar biltzen, sokatiran... denetarik egin beharko du­te. Haurrak ariko dira le­hendabizi, eta Gazte Asan­bladako gazteak ondoren. Joko gehienak, garai bateko zereginekin daude lotuta.
Kantua eta mariskada Eguerdi partean, kale buelta egingo dute Kantuzeko kideek. 13:00etan abituko dira Plazatik, eta dei egin diete herritarrei parte hartzeko. Bestalde, errugbi elkarteak mariskada bat zozketatuko du, denboraldiko gastuei au­rre egiteko. Txartelak salgai Kix­kal parean izango dira; eta zozketa arratsaldean izango da, dantzaldiaren atsedenaldian.
Trikitixa txapelketa, bihar
Sei herritako ordezkaritza izango du bihar eguerdian jokatuko den trikitixa txapelketak. 12:00etan izango da, Plaza Berrin. Hernaniko partehartzaileak, hauek: O. Jaka, E. Tolosa, L. Tolosa, A. Loi­naz eta M. Galparsoro.
LARUNBATA10:00 Abeltzaintza azoka Tilosetan
11:00 Talo dastatzea Iturriagan
11:30 Aintzinako jokoak Tilosetan
12:00 Txakolin dastatzea Iturriagan
12:30 Erraldoi eta buruhaundiak
12:30 Herri kirolak Tilosetan
13:00 Kale buelta Kantuzekin
18:00 Haurrentzat tailerrak udaletxeko arkupetan
18:30 Erromeria `Jaiki Hadi´taldearekin, Plaza Berrin
20:00 Sardina jatea Tilosetan
20:00 Dantzaldia Musika eta Txistulari Bandarekin Tilosetan.
IGANDEA09:00 XI Argazki Rallya
09:00 Diana Txistulari Bandarekin
11:00 Sagardo dastatzea Plazan
11:30 Pelota partiduak Tilosetan
12:30 IV. Sagar biltze herrikoia Plazan
12:00 XIV. Trikitixa txapelketa Plaza Berrin
18:00 Sagarraren inguruko herri kirolak Plazan


2012/08/17

Aranon Roke Deuna ospatzen

Beste urte batez, aurten ere txistulariak Roke Deuna ospatzeko aitzakiarekin
egun pasa egin zuten Aranon.

Bederatzi musikari bildu ziran: zazpi txistulari eta bi atabalari.
Jabier Narbartek ezin izan zuan azaldu aitona izan baita eta Bartzelonara hurbildu zalako biloba ezagutzera. Zorionak Narbarte.

Bestalde aurten Maixabel Telleria eta Xabier Albisu bikoteari esker ona adierazteko omenaldi txiki bat egin zieten. Urteak dira hutsik egin gabe Aranora datozela Seguratik.
Goizeko 10,30etan txistulari guztiak elizaurrean bildurik ermitaraino kalejiran igo ziran.
Ermita aurrean meza hasi baino lehen agertutakoeri txistu soinuz egin zieten harrera.
Meza ondoren, beti bezela "Marcha de las Cortes de Navarra" doinua jota gero kalejiran ere herriruntz abiatu ziran.
Ruiztarren etxean eta jaso zuten aurreneko luntxa. Kontzertu txiki bat eman ondoren Gastaz-Eneara jeitsi dira. Sagardoa Txoootxean edateko prest zeukaten bertan. Ataria jendez lepo zegoen. Hor ere hainbat erromerirako doinu jo ondoren Kontsejupera abiatu ziran bazkaltzeko asmoz.
Jaialdia, egitarauan adierazita baino beranduago amaitu zan. Beheko irudian amaierarte geratu zan jendea. Tartean "Ainhoa Ansa", alkatea eta "Legarreta" zinegotzia.

2012/08/12

Donostiako alardea bertan behera

DONOSTIA - 35. Txistularien Kontzertu Nagusia euriagatik bertan behera geratu da.
Entseiau 4retan puttuan hasi eta 6,30ak akdera amiatu zan. Zortzik eta hogeietan txistulari eta musiko guztiak oltzara igo bezain pronto euria hasi eta zaparrada ederra bota zuen. Hamar minututan den dena busti egin zan eta segurtasuna zaintzearren kontzertua ezin eskeini.

Kontzertua Donostiako Euskal-jaietan eskeiniko da. Hain zuzen ere, IRAILAREN 7an ostirala 20:30 etan

2012/08/03

DONOSTIA - 35. Txistularien Kontzertu Nagusia

  • Noiz eta Non: 2012. abuztuko 11, larunbata. Konstituzio Plazan, 20'30etan
  • Partehartzaileak: Euskal Herriko Txistulariak; Donostiako Metal Bostekoa; Eskola eta Gurutziaga abesbatzak; Niko Etxart; Julio Soto bertsolaria; Ibarrako Alurr Dantzari Taldea; Haizea Muñoz eta Iker Casares kantariak; Donostiako Orfeoi Txikia.
  • Zuzendaria: Jose ignazio Ansorena Miner 
PROGRAMA
1. DONOSTIA (pasodoblea)  Antonio Peña y Goñi** (1846-1896)
2. 1512 GOGOAN: 500 URTE. BERTSOTAN Herri doinua*
  • Bertsolaria: Julio Soto, Nafarroako bertsolarien txapelduna
3. 1512 GOGOAN: 500 URTE. SAN JOAN GAUEKO DANTZA Tomás San Miguel*** (1953-)
  • Alurr dantzari taldea
4. NIKO ETXART:
  • Musde Ürrütia Zuberoako antzinako kanta****
  • Oihaneko zühainetan Zuberoako antzinako kanta**
5. ANTZINAKO DANTZAK Jose Ignazio Ansorena (1953-)
  • Alurr dantzari talde; Bakarreko esku soinua: Xabier Olazabal
6. SERAFIN BAROJA: 100 URTE:
  • ASTO KONTUAK Hitzak: Serafín Baroja (1840-1912)  Doinua: Raimundo Sarriegi*
  • IRIYARENA Hitzak: Serafín Baroja, Doinua: Ezezaguna*
  • Bakarreko kantariak: Haizea Muñoz eta Iker Casares
7. TXIRRI, MIRRI ETA TXIRIBITON ETA ORFEOI TXIKIA: 40 URTE.
  • ·BARRE EGIN X. Telleria-J.Ig. Ansorena / Mold.: X. Sarasola*
  • ·TXIRRISTA TXINGO J. Ig. Ansorena / Mold.: X Sarasola*
8. 1512 GOGOAN: 500 URTE. GUDA DANTZA Tomás San Miguel***
  • Alurr dantzari taldea
9. NIKO ETXART:
  • ·Tumatxa Niko Etxart**** (1953-)
  • ·Euskal rock & roll Niko Etxart***
10. 1937: Durango, Otsandio, Aramaio, Gernika, 75 URTE: 

  • BERTSOETAKO OROITZA Herri doinua*
  • GERNIKA Pablo Sorozabal* (1897-1988)
Moldaketak:
*Jose Ignazio Ansorena
**Txomin Agirregomezkorta
***Jagoba Astiazaran
****Xanet Arozena
OHARRAK
Ordutegia kontzertu egunerako:
- 15,45etan: Bilkura Konstituzio Plazan.
- 16,00etan: Entsegua oholtza gainean 18,15ak arte.
- 20,30etan: Kontzertua.
- 22,30etan: Afaria, Barbarin jatetxean (Puerto, 21).

2012/07/22

Madalen eguna Zaharren egoitzan

Gaur Madalen eguna igandez suertatu da. Gogoratu Hernaniko Zaharren Egoitza "Madalena" izena duela. Hortaz, egun honetan egun guziko ospakizunak izaten dituzte. Goizean kaxkoan kalejira eman ondoren, txistulari taldea zaharren egoitzara hurbildu da. Hiru soilairuetako bizilagunei hainbat doinu eskeini diete; besteen artean, txantxibirin, ai simon, ikusi mendizaleak, quisiera ser alcalde... gosari musikatu horrek harrera bikaina izan du; izan ere, azkeneko taldea (eguneko zentrora datorren taldea) dantzan jartzea lortu baitute txistulariek.

2012/07/16

Karmen eguna kaxkoan

Gaur Uztailak 16 kaxkoan "Karmen" egunarekin egun guztiko jaia egingo da.Honako egitaraua prestatu du jai-batzordeak:

 Kaxkoko hildakoen omenezko meza 09:00etan, Agustinetan; Diana 09:30etan
Ofizialki ordea, Karmen Eguneko festa 12:00etan hasiko da, txupinazoarekin. Juani Lucas izango da
Alkate berria eta Josefina Catedra omendua. Eguerdian bazkaltzera elkartuko dira; eta 16:30etatik aurrera karta jokoan ibiliko dira Kardaberazen; eta igel, toka eta botean, Nagusian. Umeek
gaztelu puzgarriak eta txokolatada izango dituzte 17:00etatik aurrera; eta eguna bukatzeko, saribanaketa eta sardin jatea egingo dituzte Plaza Berrin, 20:00etan hasita.


Eta ofizialki 12 etan hasi da festa eguna. Omenaldian dantzariak eta txistulariak ere hortxe izan dira.

Bertaratutako guztiek kantatu ahal izan dute Juan Jose Uriak prestaturiko bertsoak. Eta honako hauek izan dira:Doinua: (Mainontzi)- .Doinuaren partitura eskuratzeko aurreko Mainontzi  izenburuan sakatu.
JUANI LUCAS ARANBURUri
Egokitu zaigun damak,
konkistatu gaitu danak,
ez bere ospe haundiaz baizik
apala izanak,
ez gaitu asetzen famak,
nahiago, lagun laztanak,
Juani bezela emakume on
leiala diranak (bis)
Bost urteko nexka zena,
jaso zun berri txarrena,
gerra hasi zan ta jakiña da
horrek zakarrena,
azkar joan zan sendiena,
Orkoloagan zaukan dena,
eta hori da gerratik duen
oroimen onena (bis)
Beste gauza dakiguna,
igual ez hain ezaguna,
Juani bolada batez aktore
jardun zitzaiguna,
a ze antzerki bilduma,
trebe antzeztu ziguna,
Juani apala izan zitekeen>
baina ez tuntuna(bis)
...
Sorpresa ugari dauzka,
eta harriturik gauzka,
Olanorekin gero Zarzuelan
egin zun debuta,
oso ugaria uzta,
batez ere "Katiuska"
Juani aspaldi baita holako
emakume puska (bis)
Eta beste bi Juanikin
beren bizikletarekin,
Oriora joaten ziren futbola
bait zuten atsegin,
ta han jokatzen zuten fin,
jokalari onenekin,
besteak beste ospe handiko
Paxiegitorekin (bis)
Bixen, alkate abila,
egin ditu gauza pila,
naiz orain jarri geran guztiok
berri baten bila,
hortxe dezu hain hurbila,
eman zaiozu makila,
eta berria, zaharra bezain on
gertatu dedila(bis)
JOSEFINA CATEDRA GALDONi
Aurrean den andreari,
hain zuzen Josefinari,
omenaldi bat eskaintzen zaio
guztion opari,
Hernaniko herriari,
lotu zitzaion aspaldi,
eta barrendik hemengotarra
sentitzen danari.(bis)
Aurten Karmenetarako,
bere omenaldirako,
Josefina da aukeratua
denen gustorako,
benetan eskerrik asko, 
Josefina guretzako,
hainbeste urtez lagun jatorra
izan zeralako (bis).

2012/06/27

Jaiak amaitzear. Azkeneko diana




Jaiak ekainaren 27an amaitzen dira. Jaien aurreneko diana txistulariek (musika bandarekin batera MENDIRIK MENDI doinua joaz) "San Joan" egunean, eskeintzen dute eta azkenekoa ere txistularien txanda izaten da; azken hori, goizeko 7-etan baina.


2012/06/26

Azeri Dantzan

Ekainaren 25a iristearekin batera kuadrillen egunean hasten da Azeri Dantza.
Jende ugari hurbildu da bertan parte hartzeko. Aurtengoan txistulariak kide bat gehiago izan dute. Piter Ansorena, hain zuzen ere.

Ekainaren 26ko Azeri dantzara ere antzeko jende kopurua hurbildu da.
A ze astinduk jaso dituzten txistulariek, horren ordainetan dantza amaigabea egin zaie dantzari batzuri, maxkuriak puskatzeko doinua ez baitzen iristen eta...


2012/06/25

Dantza Askeko txapelketan hernaniarrak


Dantza Askeko txapeldunak





2012-06-24an Hernanin ospatu zen 15 urte baina gehiago dituztenantzako Dantza Txapelketako Garaileak, Azpeitiako Jon Ibarguren eta Pasaiako Idoia Besada

Goizaldi dantza taldearekin San Joan bezperako aurreskua.

Goizaldi Donostiako dantza taldean txistulari hernaniarrak.

2012/06/24

Diana jendetsua

Gaur SAN JOAN eguna goizeko 9tako dianara (Txistulariak+Banda) jende ugari agertu da.

Urtero bezela, plazatik irten Kardaberaz jetxi Zinkoneraño, kale Nagusitik igo eta Leokadisti etxeraino (Isidro Ansorena jaiotako lekuraino) joan dira MENDIRIK-MENDI pasakallea joaz.



 HERNANIKO KRONIKAkoa:
Musika Banda eta Txistulari Banda oso osorik, eta fitxaje berrienekin izan ziren atzo goizean, Hernaniko kaleetan. Mendirik Mendi pieza joaz alaitu zituzten bazterrak, eta esnatu, lotara joanak zirenak; bai baitziren joan ez zirenak ere. Kardaberaz kalean jaitsi, Kale Nagusian gora igo, eta ansorenatarren etxeraino iritsi ziren Lizeaga kalean. Han buelta erdi, eta atzekoak aurrera pasata, berriz, Gudarien plazara joan ziren. Han jo zioten azken pieza inguratutako jendetzari, hala bildu baitzitzaien atzo ere, urtero-urtero bezala, fin-fin.

San Joan suaren inguruan dantzan

Atzoko Sua ikusgai:

Umeen soka dantza San Joan bezperan

2012/06/23

San Juan eguneko kontzertua

Igandea izanik jendetza bilduko da Udaletxeko arkupeetan.
Kontzertua eguerdiko 12etan izango da. Honako doinu hauek entzungo dira:
  1. URRETXU(Biribilketa).................................................R.Esnaola/J.I.Ansorena/K.de Miguel
  2. GIPUZKOAKO HIMNOA.............................................Herrikoia.............................
  3. GOIZEKO IZARRA.....................................................J.M. Gurrutxaga/ J.M.Altuna
  4. LUZAIDEKO DANTZAK.............................................Herrikoia/Txomin Agirregomezkorta
  5. IKURRIN DANTZA....................................................Herrikoia/M.Gainza
  6. LA PILINDROS.........................................................S.Cervantes/ C.Sanchez
  7. GERNIKA.................................................................P.Sorozabal/ J.I.Ansorena
  8. SAN JOAN ZORTZIKOA............................................Herrikoia/ T.Aragues
PARTAIDEAK
 Hernani eta inguruko txistulariak, metal boskotea, Ttarla dantza taldea.

2012/06/20

San Joan bezperakoa




Larunbatean hasiko dira ofizialki aurtengo San Joan jaiak.

Ostirala iluntzena hainbat kontzertu egongo dira.

Txupinazoa beraz, eguerdiko 12etan botako da, aldi berean San Joan Zortzikoa jotzen arituk odira txistulariak.

Txupinazoa aurretik Bolarie omenaldia eskeiniko zaie.

Txupinazoa ondoren Buruhandi eta Erraldoiekin batera, txistulariak TRIKU-TRIKU (Nere Herriko Jaiak) doinuaz emango dute kaxkoan zehar aurtengo aurreneko kale buelta.

Arratsaldean umeen aurreskuan izango dira eta iluntzean berriz San Joan Suaren aurrean.

GORA SAN JOANAK, GORA HERNANI !!!

2012/06/16

San Joan jaietako iragarpen kontzertua

 Umeen txanda ondoren gaur gaueko 22,30ean nagusiena izango da.

Beste behin ere ezin. Aurten ere eguraldi txarra dela eta, "San Joan Jaietako Iragarpen Kontzertua" bertan behera geratu da. Hiru ordu eta gehiago atertuko ote zuen itxaropenarekin zeuden musikariak , baina azken erabakia, ezetz, "aurten ere ezin da eskeini kontzertua".



2012/06/15

San Joan jaietako motorrak berotzen

San joanak belaxe datozen seinalea izaten da preludio edo "Iragarpen Kontzertua". Arratsaldeko 7etan entzun eta ikusi degu aurten "Preludio Txikia". Eguraldi beroarekin plaza nagusia beteta zegoela aritu dira herriko gazteenak.
Partaideak:
Elizatxo,Inmakulada eta Urumeako ikasleak, Hernani Musika Eskola Publikoko musikariak eta abesbatza, eta Ttarla Dantza taldea
 Egitaraua:

Txalaparta eta alboka
PopurriaTrikitilariak
Oriako Sorgin DantzaTtarla dantza taldea eta txistulariak
ABESBATZAK
ManoloPirritx,Porrotx,Marimototx
Hallo DjangoUli Fhure
Violetaren martxaOskorri
KantuzAkelarre
DENAK
Hernaniko martxa(Liberalen martxa)
Mendirik Mendi
San Juan Zortzikoa


LIBERALEEN MARTXA:

2012/05/15

San Isidro eguna 2012 Oiartzunen

Gaur San Isidro eguna izanik, txistulariak arratsaldean bilduko dira OIARTZUNEN. Kalejira ibili ondoren afaltzera joango dira. Ba dira urte batzuk Gipuzkoan txistulariak San Isidro eguna ospatzen dutela. Animo eta ondo pasa.

2012/05/07

21 urte eta gero...

Aurtengo Udaberriko kontzertuan jende dexente bildu zan Milagrosan. Askok motza egin zitzaiela aipatu zuten, oso gustora entzun bait zuten.

Kontzertuaren aitzakiarekin, eta hogeita  bat urte eta gero, jantzi berriak estreinatu zituzten txistulariek.
Kontzertuan entzundako doinu bat: Don Martin Pasodoblea (Sabin Bikandi)

2012/04/24

Igandeko kontzertua atzeratu egingo da

Apirilaren 29an Milagrosan eskeini behar dan kontzertua, Maiatzaren 6ra pasatuko da agenda arazoak dirala eta.

 Gogoratu behar da kontzertu horretan bi tronpeta joleek parte hartuko dutela.

Udaberriko kontzertu horretan entzungo diran doinuak honako hauek izango dira:

Kontzertua MILAGROSAN eguerdiko 13:00ean izango da.

2012/04/15

Kalez kale aterkiekin

Atzoko eguna ekitaldiz betetakoa:

Goizean, gazteen olinpiaden hasiera bazkari goxoaren prestaketarekin. Guzti hori, Atsegindegiko teilapean.
Eguerdian bestalde, hilean bigarren larunbata izanik, hitzordua zegoen Plazaberrin txistulari eta kantariekin. Eguraldiak etzuen asko lagundu eta saioa guztian xirak eta aterkiak lagun eman zioten kaxko aldean kantu jira KALEZ KALE KANTARI aritzen direnek. Txistulariek, aterkiak eutsi ahal izateko, laguntzaileen beharra izan zuten. Hala ere, giro onean izan ziren partaide guztiek.
Arratsaldean berriz, 35 gazte taldeen desfilea, bakoitzak egiñiko pankartarekin, txaranga batek lagundurik.
Amaitzeko iluntzean, Atsegindegin musika taldeen emanaldia.

2012/03/26

Hernaniko Txistularien Jaialdia

Igande osoan, eguraldi bikainak lagunduta, Hernaniko kaleak txistu doinuz bete ziran. Hernaniko eta inguruko txistulariak bildu ziran bertan.
Goizean-goizetik txoko askotan ibili ta gero, indarrak berreskuratzeko hamaiketakoa egin ondoren, kaxkoan zehar aritu ziran eguardialdean. Plaza-berrin jendea dantza ta izerditan jarri ostean bazkaltzera; bazkaria, SANTA BARBARA  elkartean (Zorionak sukaldari eta zerbitzariei). Arratsaldean segi zuten kaleak alaitzen.


Argazkia HERNANIKO KRONIKA(kronika.net).

2012/03/24

Hernaniko VIII. TXISTULARI GAZTEEN TXAPELKETA


EPAI-MAHAIA
  1. epailea: Ixiar Buselo(Errenteria)
  2. epailea: Maiteder Olano(Gernika)
  3. epailea: Iñaki Sagardoi(Iruña)
  • Idazkaria: Patxi Apezetxea (Hernani)
 SARITUAK
A Maila (12 urte arteko bakarlariak):
  1. AMAIA ERASO LASA(Iruñea)
  2. GORKA PAGONABARRAGA AGORRIA(Durango)
  3. BEÑAT MONDRAGON ELEXPE(Donostia)
B Maila (16 urte arteko bakarlariak):
  1. AINARA MARTINEZ RAMIREZ(Iruñea)
  2. ALAIN SORAZU AGIRRE(Azpeitia)
  3. BEÑAT VICARIO IRIARTE(Donostia)
D Maila (Taldeak)
  1. IRUÑEA (Iruñea)
  2. ANTXIETA(Azpeitia)
  3. ANTXIETA TXIKI(Azpeitia)



2012/03/21

Aste buruan txistulariak jardunean

Alde batetik larunbatean gazteen txapelketa: bakarka nahiz taldeka.
Bestetik igandean, txistularien topaketa.

Azken zazpi urteetan egin bezala, aurten ere Hernaniko Txistulari Jaialdia antolatu dute Musika Eskolako txistulariek, Hernaniko Goizetik Txistulari Taldeak eta Euskal Herriko Txistulari Elkarteak. Asteburu honetan izango da. Larunbatean, Txistulari Gaz­­teen Txapelketa izango da eta inoiz baino gaztetxo gehia­gok eman dute izena aurten. Goizean 37 bakarlari jardungo dira txistu eta danbolinaz: 12 urtetik beherakoen kategorian 16, eta 13-16 urte bitartekoenean 21. Arratsal­dez, berriz, 10 taldek joko dute. Denera, 9 eta 16 urte bitarteko 65 txistulari eta atabalari inguru. Ia Euskal He­rri osotik agertuko dira Herna­nira: Agu­rain, Ata­rrabia, Az­peitia, Be­ra, Be­rrio­zar, Bilbo, Donez­tebe, Do­nos­tia, Duran­go, Ez­kirotz, Gas­teiz, Herna­ni, Irun, Iruñea, Pa­saia, Tafa­lla, Zestoa eta Zizur Txikia.
Egun osoko topaketa
Igandean, 10:00etan, inguruko txistulariak elkartu (Hernani, Donos­tia, Lasarte, Pasaia...) eta egun guztian zehar herriko kale eta plazetan ibiliko dira. Bazkaria ere egingo dute Santa Barbara elkartean.
EGITARAUA:
Martxoak 24, larunbata Txistulari Gazteen Txapelketa
11:30etan, Milagrosan:
- A (12 urte arteko bakarlariak) eta B (13-16 urte bitarteko
bakarlariak) kategoriak.
17:00etan, Milagrosan:
- D kategoria (taldeak) eta sari banaketa.

Martxoak 25, igandea Txistulari Topaketa
10.00etan, elkartzea eta diana.
12:30etan, ttun-ttuna Plaza Berrin. Kalejira eta dantzarako doinuak (eguraldi txarrarekin, udaletxeko arkupetan).
14:00etan, bazkaria.
18:00etan, kalejirak herriko kale eta plazatan.

2012/03/19

Lau konkistatzaileek Biteri konkistatu zuten

Igandean Hernanin ekitaldiz betetako eguna izan genuen.
Alde batetik, herritar guztiak Landaren  igoera faserako partiduan taldeari animoak ematen. Horrekin batera, Hernaniko elkarteentzako egindako ereserkia (Imanol Kamiok moldatuta) estreinatu zuten. Bestetik, herriko kaxkoan TOLARE Sagardo Kofradiaren 17. kapitulua ospatzen. Izendatutako ohorezko kofradeak, lau konkistatzaile: J.L.Korta, J.Oiartzabal, J.Yantzi eta Julen Madina hernaniarra. Laurek Biteri aretoa konkistatu zuten. Sagardoa dastatu eta han bildutakoei hitz batzuk eskeini ondoren, Larre-Gain sagardotegian izan ziren bazkaltzen arratsaldea bukatu arte.

2012/03/16

Igandean TOLAREA Sagardo Kofradiaren XVII. ka

Txistulariak bi urtetik behin, musika bandakin txandatuz, aurrena herriko plazan bildu, ondoren Hernanira iristen diren kofradi guztiekin batera desfile buruan joango  dira.

Aipatu behar da 1996an fundatutako TOLAREA Sa­gardo Naturalaren Kofradiak sagardoa sustatzeko egiten duen lana. Hernaniko kofradia horrek urtean bi jai antolatzen ditu (martxoan eta irailean) sagardoaren tradizioa sustatzeko.

2012/03/11

Hernani Musika Eskola Publikoa: Txistularien kontzertua.

2012ko martxoak 11, igandea, eguardiko 12etan.
Udaberria usaitzen, giro apartarekin, txistulariak kontzertua eskeini digute arkupeetan.
Honako doinu hauek jo dituzte:
Zubigain(Kalejira).....Candido AlbisturFandango eta Arin-Arina(Oskorri -Errexa) ........................................Aita Hilario Olazaran
Zoriontsu(zortzikoa).....J.I.AnsorenaAdiskide Lasaia.....................J.I.Ansorena
Lau ataleko suitea ................J.M.Usandizaga,L.Urteaga,S.IntxaustiBi marxa (Askatasun ibilkuntza,Batasuna) ............................................Telesforo Monzon
Durangaldeko hiru dantza doinu ................................................Herrikoaki(Modl.:S.Bikandi)Lapurdi kantari (Gaztedi berria,Ez dut bilatzen, Galerianoren kantua) ..........................M.Labeguerie, Pantxoa eta Peio

2012/03/07

"Hernani" musika eskolako txistularien emanaldia igandean

`Hernani´ Musika Eskolako txistulariek kontzertua eskainiko dute igande eguerdian, arkupetan. Bi zati izango ditu kontzertuak: batetik, ohiko txistu talderako errepertorioa joko dute; eta bigarren atalean gogora ekarriko dute 60ko hamarkadatik aurrera, Lapurdin, euskal kantugintzaren inguruan garatu zen mugimendua. Emanaldia 12:30etan hasiko da.

2012/02/29

HMEko ikasleen igandeko kalejira

Joan den igandean txistulari taldea eta trikitilariak aritu ziran kaxkoan.