2017/08/16

San Roke eguna Aranon

Hernaiko Kronikatik jasota:
  • Txistulariak eta pilotariak, San Roke egunean

  • Txistu doinuek hartuko dute herria goizean; eguerdian izanen da, Arano eta Goizuetaren arteko lehia.

  • Duela 50 urte inguru ospa­tzen dute San Roke eguna Ara­non, eta aurten ere, eutsi egi­nen diote tradizioari. Txis­tulariek garrantzia haundia daukaten festa da, eta apro­betxatzen dute han eta he­mengo txis­tulariek bertan to­po egite­ko. Aurten izanen dira: Her­nanikoak, Bartzelo­na­­koak, Le­kei­tiokoak, Iruñea­ko­ak, Are­sokoak, Elorrio­koak eta Geta­riakoak, besteak beste.
    Goizeko 10:15etan elkar­tuko dira plazan, eta bertatik abiatu­ko dira ermitako me­zara. Ondo­ren, herria alaitzen jarraituko dute, eta eguna bo­robilduko dute Kontsejun baz­kalduz.
    Txistulariez gain, pilota­riek ere izanen dute garran­tzia aurten. Aranoko Huizi-Li­zeagak, eta Goizuetako Apeze­txea-Urkizuk jokatuko dute Santioetan atzeratutako  bizi­la­gunen arteko partidua.
    SAN ROKE EGUNA, ARANON
    10:15 Txistularien topaketa Herriko plazan.
    10:30 Antonio Ezeizaren eskutik, kanpaikada San Martin parrokiatik.
    10:40 Txistularien kalejira San Roke ermitara, eta bertaratutakoei harrera.
    11:00 Santuaren omenezko meza nagusia Esteban Irurzunen eskutik. Elizkizun honetan gogoan izango dira aurreko urteetan hildakoak.
    12:00 Txistularien kalejira, ermitatik herrira.
    12:30 Herriko etxeetan zehar, hamaiketakoa.
    13:00 Arano eta Goizuetako ordezkari seniorren arteko pilota partiduak.
    14:30 Bazkari herrikoia Kontsejun.
    19:00 Jaiei agurra Agur Jaunak abestuz.

Hernaniarrak Donostiako 40. txistu kontzertu nagusian

El Diario Vasco-tiK jasota

Kresalaren 50 urteak eta Juan Ignazio Iztueta jaio zeneko 250 urteurrena gogoratu zituzten txistulariek

Badaude herri gehienetako jaietan, eta horretan tamainak ez du eragin handirik, urtez urte errepikatzen diren ekitaldiak. Iritsi ziren egitaraura halako batean, eta hortxe betikotu dira. Ez dute denek gainditzen denboraren joana eta usadioen aldaketa, eta hobe leudeke horietako zenbait hemeroteketan eta historia liburuetan festa egitarauetan baino.Badira, ordea, urteak pilatu arren sasoi betean jarraitzen dutenak, eta horietakoa da Aste Nagusiko lehen egunean egin ohi den Txistularien Kontzertu Nagusia. Eta sasoi betean jarraitzen du urtero berritzen delako, Euskal Herriko Txistulari Elkartearen Gipuzkoako Ordezkaritzak Donostia Kultura eta Udalaren Musika eta Dantza Eskolaren laguntzaz antolatzen duen kontzertuak urtero baitu zerbait berria kontatzeko eta beti ugariak izan ohi diren entzuleak txunditzeko.
 Jose Ignazio Ansorenaren zuzendaritzapean, Xabier Otaegik aurkeztua eta eguraldia lagun zutela, emanaldi bikaina eskaini zuten txistulariek eta haien gonbidatuek. Bazuten zer ospatua... Lehenik eta behin, Aste Nagusiko kontzertuaren 40. urteurrena.
Beste urtebetetze batzuek presentzia agerikoagoa izan zuten emanaldian, batez ere Kresalaren 50.ak. Donostiako Kresala Elkartea ezinbesteko erreferentzia da hiriko kulturgintzan, eta urrezko ezteiak abagune aproposa eman duen guztia eskertzeko. Hala, Artillero abestu ondoren, Konstituzio Plazako oholtzan jaso zituzten Kresalako kideek donostiarren eta bisitarien txaloak. Kontzertuan zehar lauzpabost agerraldi egin zituen gonbidatu bereziaren ordezkaritza zabalak, eta dantza ezagunak edota danborradarako piezak errepasatzeaz gain koreografia berriak ere aurkeztu zituzten.

Ahots bikainak

Gaur-gaurko euskal dantzaren altxorrekin batera, atzokoek ere izan zuten tartea kontzertuan, non gogoratu zen Juan Ignazio Iztueta dantzari, euskal dantzen maisu eta idazlearen 250 urteurrena. Iztueta (1767-1845) zaldibiarrari esker heldu zaizkigu XVII eta XVIII mendeetan horren ezagunak izan ziren ‘soinu zaharrak’, besteak beste. Iztuetari eskainitako tartean, dantzariari ahalegin fisiko handia eskatzen dion ‘soinu zahar’ bat dantzatu zuen Xabier Artolak, ‘San Sebastian’ izenekoa. Jarraian, Jon Imanol Etxabek kantatu zituen Iztuetak bere maiteari, Kontxesiri, egindako abestiaren bertso batzuk. Kresala taldeko dantzariek, berriz, Iztuetak berak jasotako ‘Bilantzikoa’ dantzatu zuten.
 Ehunurren bat ere gogoratu zuten laburki, Los Xey taldeko sortzaileetariko eta soinu-jole aparta izandako Pepito Yanci (1917-1985) lesakarrarena, haren fandango eta arin-arin bana taularatuz.
Txistulariekin, gainerako musikariekin (metal bostekoa, teklatu-, baxu-, kitarra-, flauta- eta perkusio-jotzaileak) eta dantzariekin batera, ahots bikain eta ezagunekin disfrutatzeko aukera izan zuten bertaratuek. New Yorken bizi arren Donostia ahazten ez duen Amaia Arberas sopranoak entzule guztiek ezagutzen zituzten piezak interpetatu zituen, eta Beratik heldu ziren, bikote bilakatuta eta Xabier Lete eta iaz hildako Leonard Cohenen abestiak berpiztera, Estitxu Pinatxo eta Petti.
Gonbidatuen artean izan ziren, halaber, Uztaritzeko txistulariak, txistuez gain bibolina, bonbardinoa, atabala eta bonboa dutenak eta kantuan ere egiten dutenak.


 

 

2017/07/28

Madalen egunean Zaharren etxean

Beste urte betez, txistulari taldea Madalen Zaharren egoitzan "Madalen" egunean diana eskeini zuen. Bertako biztanleak kantuan eta dantzan ederki pasa zuten.

2017/07/17

Karmen eguna 2017

Aurten bi egunetan ospatu da. Larunbatean uztailak 15 ean umeen pilota partidak, skate txapelketa eta herriko musika taldeen emanaldia izan zen. Karmen egunean berriz betiko moduan, alkate berria eta omenduei bertso bereziak kantatu zitzaizkien.
Aurten alkate berriak Juan Carlos eta Iñaki Garmendia, zinkoenea tabernan urte askoatan aritutakoak
Omenduak
Txapelketetako irabazleak: toka,eskoba,mus,igela,balkoi ederrena, botea

2017/06/26

2017ko San Joanak

Giro ederrean eta partaidetza ugarirekin, asteburuan egokitu baita san joanen hasiera, dozte aurtengo San Joan jaiak.

Bezperan

San Joan egunean






Azeridantza



Txistularien mendekua
Amaitzean

Preludioa plazan

Azkenean eguraldi onarekin, aurtengo san Joanetako iragarpen kontzertua plazan izan da.
Luxuzko gonbidatua izan du gainera aurtengoak. Egan taldeko Xabier Saldiasek hain xuxen.
Kontzertu arrakastatsua.

Xabier Saldiasi KRONIKAK eginiko elkarrizketa hemen.

2017/05/16

San Isidro 2017, Astigarragan

 Herriko plazan elkartuz, san Isidro biribilketaren doinuaz "Txomin San Sebastian" irudikatzen duen irudiraino hurbilduta, herrian barna ibili ziran inguruko hainbat txistulari.
Gonbidatu bereziak agertu ziran Astigarragara. Japoniako bi maixu; Donostian Euskadiko orkrestra sinfonikoarekin aritutatakoak; afalostean, bide batez, beraien "kañaberazko flautaren" doinua entzun ahal izan zuten afaltzera bildu ziren txistulariak.



Musika eskolako txistulariak Bandarekin

Maiatzaren 7an , hainbat bakarlari gazte Hernaniko Musika Bandaren kontzertuan parte hartu zuten. Horien artean musika eskolako txistulariak.

2017/03/26

Euskal Herriko txistulariak 12.Jaialdian

Txistularien asteburuko jaialdia igande honetan ospatu da.
Euskal Herri osoko txistulariak Hernanin elkartu dira; goizean kaxkotik kanpora ibili eta gero, 12:30 etan PlazaBerrin izandako emanaldian San Joan konpartsako kideak eduki dituzte lagun.


2017/03/25

XII.Txistulari Gazteen Txapelketa


Goizean banakakoa saioak izan dira eta arratsaldean Taldeka aritu dira txistulariak.
Saioan ateratako argazkiak HEMEN
SARITUAK
A MAILAN
1.Perez-Nievas G. de Eulate TELMO
2.Rodriguez Usabiaga XUBANE
3.Aristondo Revuelta JOSU
B MAILAN
1.Pagonabarraga Agorria GORKA
2.Telletxea Iturralde ANE
3.Sagala Coca IKER
D MAILAN
1.IRUÑEA
2.MAYA
3.TXILIBITA


Honako txistulari hauek hartu dute parte txapelketan: 

A MAILA 12 urte arte ADINA HERRIA
1 Agirre Coca Laia 12 DONOSTIA
2 Urberuaga Oarbeaskoa Aner 12 DURANGO
3 Aristondo Revuelta Josu 11 BILBO
4 Saez de Heredia Millet Naroa 11 HERNANI
5 Rodriguez Usabiaga Xubane 12 HERNANI
6 Perez-Nievas Garcia de Eulate 11 MUTILOABEITI(Aranguren)
7 Ferrero Perez Eider 9 DONOSTIA
8 Iturrizaga Vergara Oier 12 BILBO

B MAILA (13-16 urte) ADINA HERRIA
1 Gonzalez Uriarte Irune 15 BILBO
2 Agirre Martinez Oier 13 MUSKIZ
3 Zabaleta Ugalde Manex 13 HERNANI
4 Telletxea Iturralde Ane 15 HERNANI
5 Gonzalez Balanzategi Mikel 14 DURANGO
6 Sagala Coca Iker 15 DURANGO
7 Pagonabarraga Agorria Gorka 16 DURANGO
8 Retegi Fernandez Leire 14 LEITZA
9 Arruti SantaKruz Enara 13 HERNANI
10 Aristondo Revuelta Imanol 15 BILBO
11 Santos Agirre Jaione 16 DONOSTIA
12 Beraza Peña Julen 13 HERNANI
13 Izagirre Hernandez Amaia 15 ORIO
14 Etxarri Freire Xabier 13 PASAIA
15 Sanz Ardanza Amaia 13 ABADIÑO

D MAILA- Taldeak
HERRIA
1 IRUÑEA
IRUÑA
2 MAYA
IRUÑA
3 TXILIBITA
HERNANI

BilboMusika TXISTALDE
BILBO

HIRUTXULO
DONOSTIA